Fylkesvaraordførar Åshild Kjelsnes (Ap) sa i mai at ho ikkje stiller til attval i fylkespolitikken. No er ho klar likevel.
- Sidan eg gjekk ut og sa at eg ikkje ville stille til attval har eg fått svært mange førespurnader frå folk som vil at eg skal stille på igjen. Og eg har no sagt at dersom det er ønskje om det, så kan eg stille på igjen, seier Åshild Kjelsnes til Firda.
Ho meinte at ho hadde vore med i politikken for lenge og ville opne for nye yngre krefter. Fylkesvaraordføraren er likevel klar på at ho har lyst å halda fram. Ho strekar under at ho likar å drive med politikk og håpar at folk meiner ho gjer ein dugande jobb. No er det opp tll nominasjonsnemnda kva som blir utgangsposisjon til valet.
